ZomiNam: Endik pute tung pan

Thu masa:

ZomiNam: zominam@yahoogroups.com Endik pu kuateng hi aa, koi gam pan hiam cih hong ki dong thei mahmah ahih manin Endik pute, hih anuai atengin len phot aa, a hunzui in behlap a kulleh ki behlapto zel ding hi. ZomiNam group Endik pute in:

·         J. Thang Lian Pau ( Zolawkta) India

·         Zomi ZoKhai         ( ZAA         ) Australia

·         Thang Thawn Tuang( Zomi Angvaan) USA

Member guandan:

Zomite group tuamtuam sung panin ki la toto aa, Zomi min pua leh Zolai gelh ngei tengteng ki guang hi. Ahi zongin hih sungah kei Zomi hikeng, Zomi Nam hikeng a ci aom leh hehpih tak in zominamnet@gmail.com ah hong ki pulak un, ahangin nomau ading ahizongin, mipi ading ahi zongin ahoih penpen hi. Zomi ahilo peuhmah ki guang nuamlo pah aa, aom khak zenzen lehzong ki hemkhia pahpah ding hi. ZomiNam group sungah namdang mi a ki ci peuhmah aki deih vetlo suak phot hi. Innkuan ki vai puakna sungah a dangdangte ki deih masa nailo suak hi. Member tam theihtheih cihbang ki deih khinlo hi. Zomi ngiat ki deih bek hi.

Tua ban-ah akua mapeuh in mimal vai ki selna, ki totna, lungsim ki nopmawh sakna te nong gelh uhleh Endik pu  tengin Group sung panin na laigelh Delete ding uh hi ( Zomi sungah mipil te' hih mun panin mimal tawh ki cih giapgiapna kideihlo hi). Mipi khantohna ding, Minam khantohna ding, Innkuan sung ki kupna ding deihna tawh a ki bawl hi cih ih telding thupi hi.

News tuamtuam khahdan:

Zomi group tuamtuam ah a suak khit aleh hong ki suaksak khinlo ding hi. A hangin Zomi group dangte zong thupi lak in, panlak ding ki deih hi. Email khat sungah Thulu mun tampi panin a ki bang sitset hong lut ciangin mipi adingin nuam hetlo hi. Khat bek kisim lel aiteh cihna hi.

Minam sung khantohna ding, Minam sung buaina nengnengte ki kum in, Zomi sungah a theizaw deuh dingte ki cial bawlzel ding aa, hilh cianna khat ki neihto zel dinghi. Gentehna: Bang hangin India lam aa Zomite Paite kici, Bang hangin Kawlgam aa omte Chin ki ci, Tedim kam ih cih Zomite kam maw cih bang nengneng tampi te ki  kupna ding leh Gamvai ( Politic) thuthuk ki kupna ding bek ahihi. Hihte namdangte tawh kisai lo ahih manin hih sungah namdang mi ki deihlo suak hi.

A tawpna ah:

Minam khantohna ding deih ing, theihnuam ing, ka sepzawh loh hangin thulela ahizongin ka theihsunsun tawh Zomite adingin mapang nuam ing ihcih leh hih zominam@yhaoogroups.com sungah Zomitawh kisai ahizongin, Leitung thutawh kisai ahizongin, Kawlgam ki ukna tawh kisai ahizongin na it na mipihte tungah theihsak nopna nong neih ding mipi’n hong lam-en hi.

Thawn Tuang

Zomi Angvaan