Zominamte’ angvaan nopna tawh eisung, i gam leh leitungah thupiang khat peuhpeuh theihbaih nading, thumaan muhsiam nading leh thuhoih leh thu manphate kikupsiamna tawh kipumkhat theih nading lunggulhnna lianpi nei in Pu Thang Thawn Tuang in hih website Zomi National www.zominational.com hong photkhiat hi in ka thei hi. Hih bangin thukikup theihna Zomi Nam :
zominam@yahoogroups.com
ah forum(durbar) zong hong hon manin ei Zomite’ ihamphat tuamna hong kibehlapna khat ahi a, kakipahna leh amah kapahtakna ka pulak masa hi.
I mibup vai athupi nate tawh kisaite i kikup ciangin ei theihna leh ei dinmun bek ultung sakloh ding leh research/dialogue type in ngaihsutna thak anung ama leh tuhun thuluanzia, I gam omzia leh mipi muhzia tawh etkak a, kikup ding ahi zaw kasa hi. Mikhat ii pulaknate ei muhsakna leh ei theihnadan tawh akituah keiphialleh zong thalnial, elpuak bawl khak hetloh ding leh, ei muhna tuam pulak siam ding hi kasa zaw hi. Tuabang thute ah athu tawh kisai bekin kikum in a thupulakte ami-asa in etneu bawl khak hetloh ding pen mipi suahna hi. Writers’ etiquette hi. Tua ban-ah mi suktuahnadan thugente zong kidop huai sa ing. Tuabang nengneng te in kipumkhatna lam kikaaksak zawsop thei hi.
Hih bangin nahoih khat asemkhiate’ i om ciangin amau’ ngimna leh deihsakna bulpite atangtun theih nadingin a zom, a zangte khempeuh in pilvang takleh lungsim hoih lungsim siangtho pua in a zatpih i siam ding kisam pha mahmah hi. I cih ciangin thupiang thupi khat peuhpeuh a thei masate’n kizaksak baih ding, i theih thuhoih khatpeuh midangte hopsawn huaite pulak nading leh a thupi mahmah thute ah kikup siam nading a zatsiam ding ahi-in ka sang hi.
I mibup vai athupi nate tawh kisaite i kikup ciangin ei theihna leh ei dinmun bek ultung sakloh ding leh research/dialogue type in ngaihsutna thak anung ama leh tuhun thuluanzia, I gam omzia leh mipi muhzia tawh etkak a, kikup ding ahi zaw kasa hi. Mikhat ii pulaknate ei muhsakna leh ei theihnadan tawh akituah keiphialleh zong thalnial, elpuak bawl khak hetloh ding leh, ei muhna tuam pulak siam ding hi kasa zaw hi. Tuabang thute ah athu tawh kisai bekin kikum in a thupulakte ami-asa in etneu bawl khak hetloh ding pen mipi suahna hi. Writers’ etiquette hi. Tua ban-ah mi suktuahnadan thugente zong kidop huai sa ing. Tuabang nengneng te in kipumkhatna lam kikaaksak zawsop thei hi.
Ei Zomite in i omna khuatek ah ei sangin a suakmasa zaw, ateeng masa, khuamu masa, tuikhuk khuat masa upa zawte leh makai panmun anapang masate, i Nu leh Pa leh makai i neihsunte zong zahtak siam-in thu dot bawl lehang i mazang zawdeuh dingin ka lam-en pha mahmah hi. Gensiatna, hawmthawhna, muhdahna kam sang in kipahtakna kam tam pulak zaw lehang akuamah peuh kithanuam zaw ding hi. Khristian thu-umte i hihciat mah bangin Zeisu dan leh alungsim puak itna leh hong huaina mitsuan den ding hihang.
Hih IT hun ah hih website tung tawn in i forum zatsiam theihna leh thumuh siamna tawh kithuhual thei in kilamthakna lam hong manawhsak tektek tahen ci-in thupha kapaih hi.
Prof. C.Thang Za Tuan, M.A; Ph.D
Tedim Kipawlna Makaipi leh ZOLUS Journal Endikpi
Dated on October 17, 2012,
Yangon
No comments:
Post a Comment